វិវេចនាអត្ថបទនេះ មានគោលបំណងពិភាក្សាអំពីការអភិវឌ្ឍប្រព័ន្ធអេកូឡូស៊ីស្រាវជ្រាវនៅកម្ពុជា។ អត្ថបទនេះ ផ្តោតលើគំនិតផ្តួចផ្តើមថ្មីៗ និងទិសដៅនាពេលអនាគត សម្រាប់ការអភិវឌ្ឍប្រព័ន្ធអេកូឡូស៊ីស្រាវជ្រាវដ៏រស់រវើកនៅក្នុងប្រទេសកម្ពុជា។ ការស្រាវជ្រាវនេះ ប្រើប្រាស់ការវិភាគឯកសារ (document analysis) បែបគុណវិស័យ និងពឹងផ្អែកលើចំណេះដឹង និងបទពិសោធន៍ជាច្រើនឆ្នាំរបស់អ្នកស្រាវជ្រាវ។ ជាលទ្ធផល អត្ថបទនេះ បង្ហាញពីគំនិតផ្តួចផ្តើមថ្មីៗ និង កម្មវិធីវិនិយោគមួយចំនួន ដែលបានអនុវត្តដោយរាជរដ្ឋាភិបាលកម្ពុជា គ្រឹះស្ថានឧត្តមសិក្សា និងភាគីពាក់ព័ន្ធផ្សេងទៀត ដើម្បីលើកកម្ពស់ការអភិវឌ្ឍការស្រាវជ្រាវនៅកម្ពុជា។ អត្ថបទនេះ ក៏ផ្តល់នូវសេចក្តីសង្ខេបអំពីបញ្ហាប្រឈម នៃការអភិវឌ្ឍប្រព័ន្ធអេកូឡូស៊ីស្រាវជ្រាវដ៏រស់រវើកនៅកម្ពុជា។ លើសពីនេះ អត្ថបទនេះ ក៏ពិភាក្សាអំពីទិសដៅនាពេលអនាគត ទាំងកម្រិតគោលនយោបាយ និងកម្រិតអនុវត្តផ្ទាល់ ដោយលើកយកអនុសាសន៍ចំនួន ១០ចំណុច ដើម្បីបន្តកសាងប្រព័ន្ធ អេកូឡូស៊ីស្រាវជ្រាវដ៏រស់រវើកនៅកម្ពុជា។ វិវេចនាអត្ថបទនេះ បញ្ចប់ដោយការផ្ដល់យោបល់សម្រាប់ការស្រាវជ្រាវនាពេលអនាគត។